Feb 15, 2010

معلومات تهمّك –غصب عنك لازم تهمّك

 

بعض الارقام الصادمه؛ فتح عنيك كويس بُص لها أوى إفهمها و إحفظها ..علشان نعرف بس احنا واقفين فين  وراحين لايه

 

دراسة «غيوم في سماء مصر» الصادرة عن المركز المصري لحقوق المرأة قالت:

83% من المصريات يتعرضن للتحرش

، وجاءت الملامسة غير اللائقة للجسد علي قمة أشكال التحرش الجنسي

المختلفة التي تتعرض لها النساء بنسبة تجاوزت 40%، هذا بخلاف التتبع والملاحقة والمعاكسات الكلامية وغيرها من أشكال التحرش

                                            

74% من العينة إن الناس لا تساعدهن عندما تحدث واقعة التحرش في الأماكن العامة.

                                      

الفتيات اللاتي ارتدين حجاب وبلوزة قصيرة وجيب هم الأكثر تعرضا للتحرش بنسبة 31.9%، تلتها العينة التي ترتدي «التونيك» وبنطلون وحجاب بنسبة 21%، ثم اللاتي يرتدين عباءة وحجاب بنسبة 20%

أكثر من 62% من الرجال مارسن التحرش

                   

41% من العينة التي مارست التحرش إن هذا الفعل يشبع لديهم رغبة جنسية مكبوتة علي حد تعبير الدراسة، بينما يشعر 23% بذكورتهم وثقتهم في أنفسهم.

                      

************************************************************

قريت كويس ..فهمت ..83 % من النساء بيتعرضه لتحرش…. أيووووووه  يعنى 100 % أمك واختك ومراتك و بنتك بيتعرضه لتحرش

يعنى لما تقول انا مؤدب ومابعملش حاجه ده مش كفايه

يعنى تلتين الحالات الى بتستنجد و مابتلقيش مساعده ..أنت أيوه أنت بتبقى واقف وبتتفرج

أه فى رقم ظريف أوى قريت عنه امبارح 30% من ستات مصر هم الى بيعولوا أسرهم  وهنا يعول يعنى يتكفل بكل شىء مش بيساعد بس

يعنى نسوان البلد دى بتأكل أكتر من 28 مليون بنى أدم

يعنى الى حسمع حسه يقول وهو ايه الى بيخرج الستات من الاول ماعنديش ليه غير  انهم ماتوا فى الحرب-الرجاله- ومافيش أمل لتعويض الخساره الا الاستعانه بالخبرات الاجنبيه خلاص وكلام قبيح تانى مش حقوله دلوقتى

 

الكلام الى جاى دلوقت موجه للبنات بس:

لكل واحده اتعرضت للتحرش وبسببه فقدت الثقه فى نفسها و المجتمع

لما دمعه محشوره فى عينيك ماحدش شافها أو تجاهلها .

أنت مش لوحدك ..وماتسمحيش ان حاجه تحددك وتقلل من نظرتك لنفسك

ولما تتكلمى بصوت عالى وتشاورى مش فضيحه ليكى لأ فضيحه ليه

لو كل بنت شاورت وقالت ده مجرم

الوصم حيبقى ليهم هم

 

الكلام ده بقى موجه للدوله : فى كلام بقاله يجى سنتين عن قانون للتحرش ولسه بتتشاوروا و بتناقشوا وقانون بيع الاثار طلع فى تلات أيام

0 comments:

Post a Comment