Nov 23, 2009

الجميع سقط فى اختبار الجزائر



معظم المصريين من 20 فيما فوق فى السن يتذكرون جيدا كيف كان الاعلام الآحادى فى مصر ,اعلام صفوت الشريف, بقنواته الاولى و الثانيه وصحافه ابراهيم نافع
بتطور الاعلام وظهور فضائيات و صحافه مستقله أدت الى تكوين بعض برامج التوك شو مثل العاشره مساءا و القاهره اليوم والحياه اليوم والبيت بيتك التى بشكل ما اصبحت متنفس للمصريين ومصدر للمعلومات عن أخبار . الوطن

ومع انى قد أخترت الصمت وانى لن أدون عن أحداث مصر /الجزائر ولكن الظاهره الاعلاميه المصاحبه تدعو لتأملها والخوف فى نفس الوقت
لن ادخل فى نوايا النظام المصرى الحقيقيه ولن انقاشها .
.ولكن هذا ما اراده الحكام ..فلتكن مشيئته
وهنا البديهى ان مشيئته تكون على مايملكه من اعلام بقنوات و صحافه وربما بعض من فضائيات من تربطهم بالنظام و بالاحداث الاخيره مصالح مثل مجموعه سوايرس أو تى فى

"ولكن السقطه هو تحول جميع بلا استثناء الى اداه تعبويه ..واصبح ما كان يعتبر اعلام مستقلا مجرد خرافه هو مجرد عازف اخر فى " أوبرا العدو الجزائرى لم أجد اى قناه او برنامج مهما كان تخصصه لم ينضم الى مخيم الاتجاه الرسمى , و الى حيقولى انه بيعبر عن اتجاه شعبى حقوله من امتى ؟ ولا نسيته حادثه القطار

واستخدام (و أعتقد توظيف أدق) علاء مبارك بشكل مبالغ فيه لترويج للفتنه و القطيعه : ثلاث مكالمات تلفونيه فى ثلاث برامج ذات شعبيه
وظهور بعض الجمل و الكلمات العنصريه التى لو قيلت فى برامج محترمه فى دول تحترم نفسها لعاقب عليها القانون ..فى الاعلام الغربى قصص كثيره جدا لكلمات و عبارات ربما لتكون أقل حده من ما يتحدث به بعض المفروض أنهم الصفوه الاجتماعيهوأكبر صدماتى جأت فى منى الشاذلى التى تأكد دائما على تمسكها بمبدأ حياديه الاعلام ..و المصرى اليوم

الضوضأ الاعلاميه الحاليه و التعبئه و الترويج لافكار و عبارات عنصريه واسكات اى صوت عاقل و مخالف و ترويعه و اتهامه بالخيانه و انشأ عدو خيالى جديد لايهام الناس انهم يحتاجون الدوله بمؤسساتها الحاليه لحمايتهم
كل هذا خصائص الاعلام النازى مصر تشهد نازيه جديده باعلام موجه ملىء بالعنصريه و التحقير من الاخرولو نصف ما قيل فى الجزائريين على لسان مصطفى عبده و مدحت شلبى و عمرو أديب قيل على اليهود لكانوا فى مواجه الالاف القضايا بما امتلات به برامجهم من أى شىْ الا علام ..يسمى عركه فى حاره شعبيه
حقيقه الامر انى اشعر بالرعب صدمت فى مثقفى هذه البلد فى موقفهم أمام الاعلام التعبوى الموجه وحاله الانسياق الجماعى للناس على كل طبقاتهم الفكريه

السؤال ماذا بعد ان عرف النطام قوه السلاح الذى كان ينكر تأثيره فى ظل الاعلام المفتوح وتعدد المصادر؟
هل سنرى محارق و غرف غاز للجزائريين فى مصر؟!!!!

Nov 8, 2009

وبتيجى على أتفه سبب



حاسه انى تخينه وتقيله

بعد عن اصحابى ..اتنعكشنا ومافيش حد الواحد يقول كلمتين معاه لهم معنا على بعض

صور الباسبور الى اتصورتها طلعت زى القرف

عندى امتحانات ومش عارفه ولا كلمه

وبسبب الاسباب الى فوق دى ماليش نفس افتح كتاب

Nov 7, 2009

Russia 20 years later after the fall of Belin wall

Nov 4, 2009

بحبك بس ساعات بزعل منك

مافيش بلد فى الدنيا ممكن تقتل الطموح قد مصر ...أنا خلاص بقيت تماما مقتنعه بكده
أفتكر لما كنت صغيره
كانت صاحبه ماما المسيحيه بتزورنا وبتحكيلها عن ابنها الدكتور الى اضطر يهاجر لانهم مضطهدينه فى الكليه و عمره ماحيترقى وانه مسيحى وانه وانه... والرصه الى عرفنا دى كلها
و اصحابى المسيحين الى طول ماهما قعدين الى تكلمك عن خالها و ابن خالتها وبنت عمتها الى مهاجربن بره فى كندا وفى استراليا و أمريكا
-انا ماكانش فى دايره معارفى المسلمين حد نص عيلته مهجره- فكانت فكره -ايه كل الناس قرايبهم الى بره دول ؟-

فكانت الاجابه بترجع من ذاكراتى من نفس الحوار القديم الى سمعته زمان من صاحبه ماما

المقدمه دى كلها بسبب انى سمعت من كام يوم فى العاشره مساءا خبر لفت نظرى

كانت فى واحده فى التقرير بتاع البرنامج بتقول انا معايا دكتوراه من السربون وبشتغل دلوقتى اداريه

ماعرفش -انا مش من النوع الى بتلكك لاى فيلم علشان اعيط- بس حقيقى حسيت بدمعه اتحبست فى عينى من غير اى سبب او يمكن بسبب لانى حطيت نفسى مكانها للحظه

الجميل بقى البنت دى كانت محجبه يمكن تبان ان الملاحظه مالهاش علاقه..لكن لا على العكس

فكرت ان الجامعه بترمى دلوقت الباحثين فى الارشيف ..
فكرت فى الجمله الى كل بيقولها كل الناس ...ان أحمد زويل لو ماكنش ساب مصر عمره ماكان شاف نوبل ابدا

فكرت ان ال 400 دول حقيقى مالهومش أمل فى حياه الى لو سافره بره و سابه البلد-رئيس الجامعه رافض يقابلهم-

فكرت ان البنت دى مضطهده وهى مسلمه
الموضوع ماعدش مسلم و مسيحى
الموضوع بقى هما و احنا ...هما الى فى اديهم روحنا واحنا الى مالناش ضهر

كلنا بقينا مضطهدين محاربين ... وبعدين يعنى لازم -احنا- نسيب لهم البلد ونهج علشان -هما- ينبسطه!!!

Nov 1, 2009

أقوال مأثوره


"إن جمال هو مفجر ثورة التحديث فى الحزب الوطنى"

الزعيم الوطنى أحمد عز!!