Sep 9, 2009

طالبة الثانوى ووالدتها تخلصتا من طفل السفاح حياً فى مقلب

و أنا النهارده بقرا المصرى اليوم قسم الحوادث
كان فى موضوع الى هو مش حاجه جديده بعنوان "طالبة الثانوى ووالدتها تخلصتا من طفل السفاح حياً فى مقلب القمامه"
الى استفزنى اكتر من الخبر
تعليقات الناس على الخبر الى هى من نوعيه
"أختم تعليقات القراء برأى مفجع وهو اختلاط المرأة بالشباب فى كل مكان مصيبة كبرى الا من رحم ربى . وغياب الام عن المنزل وترك الاولاد والبنات بلا رقيب هو ضياع لهم ."

والله العظيم... انت فاكر الستات بتشقى و تنزل اشغالها كل اليوم علشان فرحانه بجمال خطوتها وترجع البيت تكنس و تمسح وتطبخ و تشطف العيال وتذاكرلهم وفى الاخر جوزها يطلع ميتنها علشان مش بتتزوقله علشان ده مزاج عندها

لو الرجاله عندها دم وقادره تكفى بيتها من كله و تكفى بيتها يعنى تكفى بيتها مش يومين لحمه و الباقر عدس ) مع ان العدس بقى غالى اكاد اجزم ان %98 الستات العاملات كلهم حيقعدوا فى البيت طول النهار يخدوا بالهم اذا كانت بنتهم حامل ولا لأ

والى يقول "يعني البنت رايحة تولد في الشهر السابع ولا التاسع وأمها مربية الأطفال لسة لحد وقتها مش واخده بالها إن بنتها حامل!!!"

يعنى بذمتك و دينك لو بنتك حامل جوه بيتك انت حتعرف ..كفايه اصدار احكام مسبقه على الناس ..اتفرجوا على أسرار البنات وانت تعرف البنات تقدر تعمل ايه حتى لو اهلها أفلين ميت باب



وبعدين ولا واحد جاب سيره الولد الى عمل كده غير يمكن تعليق

يعنى ايه بجاحه التعليقات دى لو البنت غلطانه قد الولد الى عمل كده ...و لما ربنا بيحاسب مش حيقول البنت زانيه و برافو للولدو بعدين البنت دى قاصر يعنى فى بلد محترمه الولد ده كان اتقبض عليه كفايه كيل بمكيالين يعنى علشان البنت هى الى بتحمل و بتلبس فى العيل تبقى هى الشيطانه و الراجل الى عمل كده يبقى راجل و مافيش زيه و ربنا بيعقبنا من شويه علشان الحق مابنقولوش..المساواه فى الظلم عدل والى قال كل كلمه على ان البنت زانيه و نسى يقول الولد زانى يبقى ظالم.. وانا مش بدافع عنها بس و عن الجريمه الى امها عملتها و الى هى انها رمت الطفل فى الزباله

بس خلينى لو مجتماعنا فى عدل فى وقوع العقاب ماكنتش الست دى رمت الطفل
يعنى لو الولد بيتوطم زى البنت و الفضيحه كانت طايله الكل ماكنش كان كل ده حصل

والبنت دى صغيره اوى ...

وده يرجعنا لحاجه كل الناس بتنكرها وهى الثقافه الجنسيه
يعنى لو البنت دى كانت حتعمل الى عملته مع الولد كده كده...يبقى على الاقل كانت هى تعرف العيال بتيجى منين و تعرف تستخدم الحمايه الى كانت قصرت المعاناه دى من الاول

وده لا عيب ولا حرام ان احنا نفتح عيون الناس على وسائل الحمايه
ماشاء الله مواقع البرنو ماسبتش حد...بس معرفتهم بتبقى ناقصه ومشوه

وهى بقى مادام قررت تنام مع ناس بره الجواز يبقى على القل ماتملاش الدنيا عيال تترمى فى الزباله

بصراحه انا الموضوع ده نرفزنى اوى..

3 comments:

Polka Dotted said...

nefsy a2ol lafz we7esh... bas balash

begad 3alam wes7'a

Che said...

ايه بس اللى منرفزك كده .... هى دى بلدنا طول عمرها كانت كده و طول عمرها هتفضل ... مابنعملش بلطجيه غير على الضعيف .... و مش بنعمل شرفا غير على اللى مش هيعرف يرد علينا
استعير كلمه بطوطه اللى فوق ... عالم وسخه

صاحبة الشباك said...

يعنى ده المتوقع
إن اللوم هيبقى على البنت وبس
وكأن الولد ماغلطش ولا عمل أى حاجة

بعيداً عن القصة دى
أنا كمان بتنرفز جداً جداً
لما يجي اللوم على البنت وبس
مهما كان الاتنين اشتركوا فى الغلطة دى

(: ربنا يرحمنا برحمته

Post a Comment