الكل دلوقت بيجرى بيحاول ينقذ البورصه حملات للتبرع و الاستثمار لانقاذ الاقتصاد الوطنى
احب اوضح انى لا خبيره اقتصاديه ولا حاجه. بس حاله الهلع و الفزع الى نشرها الاعلام بعد غلق البورصه من انهيار كامل اقتصاد مصر بانهيار البورصه شىء مبالغ فيه وغير واقعى
لا المستثمرين الصغار يقدروا يوقعوا او ينقذوا البورصه الى هم احنا الى بنشترى بالميت و الالف سهم
ولا برده احنا الى ارتفاع او انخفاض البورصه بيأثر علينا
بس فى روح وطنيه عاليه للاستثمار فى مصر و مستقبلها واقتصادها
واعتقد توجيها للاتجاه الصحيح هو اول الخطوات علشان نبنى مصر صح مش ننكس عماره بتقع
المبادره دى فكره فرديه ارجو تبنيها على مستوى شعبى
أدعو لاكتتاب شعبى عام لبناء مدارس نموذجيه غير هادفه للربح غير مملوكه للدوله وتقع تحت اشراف لجنه وطنيه خبراء وعلماء يتبرعوا بجهودهم لوضع مناهج جديده وينقلوا خبراتهم على ان تبدا التنفيذ فى الاماكن الاكثر فقرا و العشوائيات مبدايا
الوضع اللبنه الاولى للتعليم . النهارده قبل بكره
وانا بقول مدرسه مش جامعه ..لان ماينفعش نستخدم مبدأ التنكيس و الاساس مخوخ . لازم نبدأ دلوقت
قبل دستور و انتخابات ده الاستثمار الى يضمن صيانه الديموقراطيه و مطالب الثوره
التعليم هو صمام الامان لحمايه على العقول من تداعيات الجهل و التطرف
وعلى الجدوى الاقتصاديه للوطن هو استثمار رابح بنسبه مائه فى المائه
أحب أسمع أفكاركم أزاى شىء زى ده يقدر يبقى حقيقه
Posts
