انا بصراحه فقدت النطق لثوانى
يعنى ايه دوله فلسطينيه منزوعه السلاح
دوله فلسطينيه بدون عوده الاجئين
اعتراف بيهوديه اسرائيل و القدس!!!!!!!!!!!!!!!!!
والله كتر خيرهم
وهى دى ان شاء الله الدوله الفلسطينيه الى اوباما اخد تاكسى رايح للقاهره و تاكسى راجع وخطب ووقف مصالح الناس و الامتحانات بتاعه الطلبه الغلابه.
و طبعا حيعمله المسخ ده وحياخده فوق البيعه المبادره العربيه
معرفش ليه خطر على بالى فاجئه منظر امهات و زوجات و اطفال كل الرجاله الى انضحك عليهم و ماتوا مصدقين ان هم ماتوا لتحرير
فلسطين من 48 الى73...
لو كانت هى دى النهايه يبقى الناس دى ماتت ببلاش ولا ايه يعنى
مجرد الاعلان عن الشروط دى بالشكل السافر ده يعنى مافيش حشى و حيا و لا ليهم كبير
معناها ان خلاص كل واحد يحفر حفره ويدفن نفسه
انا عايزه اعيط اووى
Posts
3 comments:
والله يا بنتى...
انا حفضل ساكتة مش حقول حاجة
ما تضايقيش نفسك .. الراجل أصلا ما قالش حاجة جديدة ده حتى على فكرة حسن كلامه شوية .. يعنى من يومين كان قال مافيش دولة .. دلوقت قال خليهم يعملوا دولة (جنب) إسرائيل يعنى فى الأردن زى ما الكنيسيت قال..
و كلام أوباما ما كانش فيه أى حاجة مختلفة أصلا .. بس هو الناس إتعشمت فيه خير لأسباب عاطفية..
بطابيط
كلنا ساكتين غصب عننا مش بمزاجنا
----------------------------------------------
مهندس حر
انا ماكنتش متعشمه فى اوباما و بصراحه انا من الحزب الى شايف ان الزياره دى اخدت اكتر من حقها اذا كان بالتفاؤل او التشائم لان زى ما انت قلت المحصله صفر
بس الواحد دمه بيتحرق من الجرئه فى قول الكلام ده
Post a Comment